Қазақстан таэквондо федерациясының баспасөз қызметі терген ақпаратқа сай, жарыстың екінші күнінде таэквондодан Қазақстанның ерлер құрамасы жүлделі орындарға таласып, үш медаль жеңіп алды.
Оның ішінде бір алтын, екі қола жүлде.
87 келі салмақта сынға түскен Смайыл Дүйсебай чемпион атанды. Финалда ол жергілікті спортшыдан басым түсті.
Нұрлан Мырзабаев (80 келі) пен Ерасыл Арапбай (68 келі) турнирдің қола жүлдегері атанды.
Осылайша, қазақстандық таэквондошылардың қоржынында клубтар арасындағы Азия чемпионатында 9 медаль бар: 1 алтын, 2 күміс және 6 қола.
Қазақстан әйелдер құрамасы командалық есепте үшінші орынды иеленді - Нұрай Бауыржанова (49 келі) мен Жансел Дениз (73 келі) күміс, Айдана Еділбаева (46 келі), Рита Бақышева (46 келі), Әмин Нұрғазықызы (62 келі) мен Нұрай Хусайынова (67 келі) чемпионаттың қола жүлдесін жеңіп алды.
