Жәнібек Әлімханұлы әлем чемпионы атағы үшін жекпе-жектің өтетін орнын жариялады

21 мамырда Лас-Вегаста қазақстандық боксшы Жәнібек Әлімханұлы WBO тұжырымы бойынша «уақытша» әлем чемпионы атағы үшін британдық Дэнни Дигнуммен жұдырықтасады, деп хабарлайды Zakon.kz.

Бұл туралы ақпарат қазақстандық боксшының Instagram желісіндегі ресми парақшасында пайда болды. Әлімханұлы мен Дигнум арасындағы жекпе-жек Лас-Вегастағы Top Rank бокс кешінің басты оқиғасы болмақ.

21 мамыр. Лас-Вегастағы бокс кешінің басты кездесуінде жұдырықтасамыз. Бұл біздің шоу! Біз тарих жасаймыз! Біздің уақыт келді! Жаттығулар қызу жүріп жатыр, – дейді Әлімханұлының ұжымы.

Жәнібек Әлімханұлы америкалық Окснардта британдықтармен жекпе-жекке дайындалуда. Қазақстандықты Джеймс «Бадди» МакГирт дайындайды.