Көшпелі халықтардың мәдениеті мен спортын жаңғырту мақсатымен ұйымдастырылатын спорттық шаралар "Болашаққа жолдаған дәстүрлі қолтаңба" ұранымен өтеді. Байқау сонымен қатар қатысушы елдер арасындағы мәдени байланысты нығайту арқылы әлемнің көшпелі халықтарының мәдениетін сақтау мен жаңғыртуды көздейді.
Бұған дейінгі үш ойынға Қазақстан құрамасы белсене қатысып, жалпыкомандалық есепте үнемі жүлделі орындарға ие болған. Қазақстан 2014 жылғы алғашқы ойындарда 2-орын, екі жылдан кейін 3-орын, 2018 жылы 2-орын алды. Ойындар қарсаңында қазақстандық спортшылар ел ішінде де, шетелде де арнайы оқу-жаттығу жиындарынан өтті.
Ұлттық спорт түрлерінен олимпиадаға әлемнің 100 елінен спорттың 23 түрінен спортшылар қатысады, оның 10-ы тек көрнекі. Қазақ көкпар құрамасының құрамында "ғасыр ойыншысы" атанған әлем чемпиондары Ұлан Байтөреев (команда капитаны), Аблайхан Нышанбеков және Құрманбек Тұрғанбек бар.
Қазақ күресінен балуандарды "Қазақстан Барысы" республикалық турнирінің жеңімпазы Мақсат Исағабылов бастап келді.
"Жамбы ату" ұлттық құрамасының мүшелері, тұңғыш әлем чемпионы Ералхан Хайкөз, әлем чемпионы Абзал Тулыбеков, Азия чемпионы Бақдәулет Бабажан Түркияда өнер көрсетеді.
Дәстүрлі садақ атудан Диас Ахметов (Қазақстан кубогының жеңімпазы), Ербол Тәпенов (Әлем чемпионатының күміс жүлдегері) және Анжела Тарыца (Әлем кубогының жеңімпазы) өнерлерін көрсетеді. Сонымен қатар төрт спортшы қатысатын теңгелік және аударыспақтан көрсетілім қойылымдары өтеді.
