2024 жылғы әйелдер арасындағы әлем чемпионатын өткізуге өтінімді Қазақстан бокс федерациясының жауапты тұлғалары берген. "Барыс Аренада" ғаламшардың үздік боксшылары рингте ең мықтыларды анықтайды, деп мәлімдеді Халықаралық бокс қауымдастығының (IBA) баспасөз қызметі.
"Қазақстан сияқты қуатты бокс державасы IBA-ның ірі турнирлерінің бірін өткізеді. Әлем чемпионаты 7 жыл бұрын Астанада өткен болатын, енді одан да күшейіп қайта оралады, өйткені біз әйелдерге арналған жүлде қорын көбейтеміз. Чемпиондар 200 мың АҚШ доллары көлемінде жүлде алады, ал жалпы жүлде қоры 12 номинация бойынша 4,8 миллион доллар болады. Бұл соманың 10 пайызы құрама жаттықтырушыларына беріледі. Керемет чемпионатты асыға күтудемін және боксшыларды 2024 жылы Астанада қарсы аламын". IBA басшысы Умар Кремлев
2025 жылы Жапонияның Осака қаласында өтетін бокстан кезекті әлем чемпионатының жүлде қорының көлемі белгілі болды. Екі жылдан кейін чемпион атанған боксшыға 10 миллион АҚШ доллары беріледі.
