Президент Қасым-Жомарт Тоқаев футзалдан Нидерланд командасына қарсы ойнайтын Қазақстан ұлттық құрамасына қолдау көрсету үшін Жақсылық Үшкемпіров атындағы жекпе-жек сарайына келді, деп хабарлайды Ақорданың баспасөз қызметі.
Сурет: Ақорда
Ойын Астана уақыты бойынша 20:30-да басталды.
Кездесу футзалдан 2024 жылғы әлем чемпионатына іріктеу кезеңі аясында өтіп жатыр.
Сурет: Ақорда
Айта кетсек, Мемлекет басшысы биыл екі рет стадионда болып, футболдан ұлттық құрамаға жанкүйерлік танытқан болатын. Ол кезде Қазақстан құрамасы Солтүстік Ирландияға және Сан-Мариноға қарсы ойын өрнегін көрсеткен болатын.