"Грек-рим күресінен Қазақстан жасөспірімдер құрамасының өкілі Жаңажол Қуанышбек Афинада (Грекия) өткен U17 әлем чемпионатында алтын медаль жеңіп алған еді. Қазақстандық балуан 45 келіге дейінгі салмақ дәрежесінде топ жарды. Соның құрметіне Ақтөбе облысының грек-рим, еркін және әйелдер күресі федерациясы жас балуанға бір үйір жылқы тарту етті. Дәл осы Ақтөбе облысының бір кәсіпкері дзюдодан Олимпиада чемпионы атанған Елдос Сметовке де кезінде бір үйір жылқы тарту еткен еді. Балуанды бұдан да үлкен сый күтіп тұрғаны да айтылды", деп жазады Qsport.kz.
Грек-рим күресінен 17 жасқа дейінгілер арасында әлем чемпионы атанған Жаңажол Қуанышбекке ақтөбеліктер ерекше сый-құрмет көрсетті.
Грекия астанасы Афинада қарсылас шақ келтірмеген жас спортшыға жерлестері бір үйір жылқы сыйға берді.
Айта кетейік, әлем біріншілігінде қазақстандық балуан 45 келіге дейінгі салмақ дәрежесінде топ жарды. Финалдық белдесуде Қуанышбек Қырғызстаннан барған Нуркерим Кумарбековті жеңді.
Бұған дейін отандасымыз Мадхия Усманова әйелдер күресінен Грекияның Афина қаласында өтіп жатқан жасөспірімдер арасындағы әлем чемпионатында жеңімпаз атанғанын жазғанбыз.