Sportarena.kz дерегі бойынша, Усман Нурмагомедов пен Пол Хьюз жеңіл салмақтағы PFL титулы үшін реванш жекпе-жегін 3 қазан күні Дубайда (БАӘ) өткізеді.
"Бұл ауқымды реванш болады деп ойлаймын. Себебі алғашқы жекпе-жек өте тартысты өтті. Пол Хьюздің әрекеттері Усманға оңай тиген жоқ. Бұл жігіт – нағыз жыртқыш. Оған қарсы дайын болу керек: егер сен оны ерте тоқтатпасаң, ол алға жылжи береді. Алғашқы жекпе-жекке дейін-ақ мен Полдың мықты екенін білгенмін. Ол – нағыз мықты жігіт, лайықты қарсылас", – деді Хабиб.
2025 жылдың қаңтар айында Усман Нурмагомедов Хьюзді төрешілер шешімімен жеңген болатын.
Бұған дейін Виктория Графеева бокстан әлем чемпионатының қола жүлдегері атанғанын жазғанбыз.