2017-2018 жылдары «Ақпараттық ресурстарда объектілерді танымал ету үшін жалпыұлттық тізбеге енгізілген объектілердің 3D модельдерін құру» жобасын іске асыру кезінде Ұлттық музей басшылығына және басқа да тұлғаларға қатысты аса ірі мөлшерде бюджет қаражатын жымқыру бойынша сотқа дейінгі тергеу жүргізудt, делінген Cыбайлас жемқорлыққа қарсы қызметтің хабарламасында.
Антикордағылар Ұлттық музей мердігер ұйымдарға аталған жоба аясында атқарылған жұмыстар үшін 1,3 млрд теңге төлегенін, сонымен қатар, жүргізілген сараптамалық зерттеу жұмыстарының нақты құны 83,4 млн теңгені құрағаны анықтағандарын нақтылайды.
Осылайша, жұмыс құны 1,2 млрд теңгеге негізсіз ұлғайтылып, мемлекетке аса ірі мөлшерде залал келтірді.
Тергеп-тексеру амалдары жалғасуда. Өзге ақпарат тергеу мүддесінде жария етуге жатпайды.
Айта кетсек, 29 мамырда Ұлттық музей директоры Арыстанбек Мұхамедиұлының тұтқындалғаны белгілі болды. Оған қатысты халықаралық көрмелерді өткізуге бөлінген 140 млн теңгеден астам қаржыны жымқырды деген күдікпен қамауға алу түрінде санкция берілді.