Бішкекте жазадан қашып, жасырынып жүрген Қазақстан азаматы ұсталды
Сурет: pxhere
Халықаралық іздеуде жүрген Қазақстан азаматы Қырғыз Республикасы территориясында ұсталды, деп хабарлайды Бішкектің ішкі істер бас басқармасы.
Экстремизмге және заңсыз көші-қонға қарсы іс-қимыл қызметінің қызметкерлері ҚР ҚК-нің 427-бабы. "Бас бостандығынан айыру түріндегі жазаны өтеуден жалтару" бойынша 1993 жылғы Қазақстан азаматы Бішкекте жасырынып жүргені туралы ақпарат алды.
Арнайы жасақ сарбаздарымен бірлесе отырып, ІІББ-нің жедел уәкілдері ер адамның қай жерде екенін анықтап, ұстады.
Қазақстан азаматы бұрын сырттай сотталып, қамауға алу түрінде белгіленген бұлтартпау шарасы негізінде Бішкектің қамауда ұстау изоляторына тоғытылды.
Оны экстрадициялау мәселесі кейіннен шешілетіні атап көрсетілген. Сондай-ақ, құқық қорғау органдары Қырғызстанның мемлекеттік шекарасын заңсыз кесіп өту фактісі бойынша құқықтық бағалау жүргізеді.
