Жаңалықтар
Басқа бұқаралық ақпарат құралдарында
Загрузка...
Оқи отырыңыз

Алматылық ғалымдар шағын су электр станциясын жасады

Шағын станциямен тұтас бір ықшамауданға жарық беруге болады.

Сурет : sputniknews.kz27 Наурыз 2018, 11:10

Қазақ мемлекеттік қыздар педагогикалық университетінің ғалымдары микрогидроэлектр станциясын жасады. Бұл туралы zakon.kz оқу орнының Баспасөз орталығының жетекшісі Жандар Асан берген ақпаратқа сілтеме жасап хабарлайды.

Жоба авторлары – техника ғылымдарының докторы, профессор Әжімұқан Жамалов пен физика ғылымдарының магистрі Мұрат Күнелбаев. Бұл шағын қондырғы арқылы судан электр өндіруге болады. Жоба авторларының айтуынша, шағын су электр станциясын еліміздің кез келген аймағында қолдануға болады. Құрылғы жұмысының ерекшелігі оны жасауға шығын аз жұмсалады әрі генератордың бироторлы жұмыс істеуі принципіне байланысты судың қысымы аз кетеді.

– Бұның салмағы мен пішіні пайдалануға өте қолайлы. Қондырғыны төрт адам көшіріп, орната алады. Қос қалақшасын бір-біріне қарама-қарсы бағытта айналдыра алатын жаңа генераторы бар. Қарсы айналу барысында жиілік еселене түседі. Ал «қарсы айналу» деп аталатын ол жиілік барысында, қалақша екпінімен тасқыны артқан су белгілі бір мөлшерде электр энергиясын береді, – дейді М. Күнелбаев.

Станция электр энергиясын өндіру үшін су бір жарым-екі метр биіктіктен құлауы керек. Қарама-қарсы айналған қалақшалардың әсерінен микроГЭС-тің пайдалы әсер коэффиценті 20-30%-ға артады. Біріншіден, бұл қондырғының жарамдылық мерзімін екі есе ұзартса, екіншіден, барынша қуатты генератор қойған жағдайда электр энергиясын да мол өндіруге мүмкіндігі бар.

– Біз бұған ротор қостық. Қалақшалар бір-біріне қарама-қарсы біркелкі айналады. Осының әсерінен старторда электромагниттік өріс пайда болады. Ол орауыш шарыққа өтіп, сол жерде тоқ пайда болады. Станция электр жоқ болса да, ағын суы бар жерде жарай береді. Қондырғы аграрлық салаға, шалғайдағы аймаққа таптырмайтын құрылғы, – деп атап өтті жобаның ғылыми жетекшісі Әжімұқан Жамалов.

Тіпті атаулы микрогидроэлектр станциясымен әскери бөлімдерді де жарақтандыруға болады. Тәулігіне 1,5 киловатт энергия өндіретін қондырғының бағасы – 700 мың теңге.

– Бұны арзан деп те, қымбат деп те айтуға болады. Мәселен, осы тақілеттес қондырғылар ТМД елдерінде, АҚШ, Ресей мен Қытайда жасалынады. Алайда біздің құрылғы бағасы мен сапасы тұрғысынан анағұрлым қолжетімді, – дейді ғалымдар.

Шағын станциямен тұтас бір ықшамауданға жарық беруге болады. Мәселен қуатты генераторы бар 500 келілік ГЭС 15-20 киловатт өндіреді. Ол үш қабатты 2-3 үйді электр қуатымен қамтамасыз етуге қауқарлы. Сондай-ақ, өнертапқыштар қондырғыға жел турбинасын орнатуды жоспарлап отыр. Энергияның бір көзінен екіншісіне ауысу технологиясы үшін де патент алынған. Ғалымдар өнер табысты халықаралық конференцияда таныстырып, нәтижесінде бірқатар шетелдік инвесторлар әріптестік орнатуға ниетті екендіктерін жеткізді. Өйткені, қазақстандық қондырғы аналогтарына қарағанда барынша пайдалы. Пайдалану мерзімі ұзақ, пайдалы әсер коэффиценті жоғары.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер