Ешкім біліп туған жоқ: Жұлдыз Әбдікәрімова телеарнадағы жаңа қызметі жайында

Stan.kz Stan.kz
Жұлдыз Әбдікәрімова ұлттық арнадағы "Шаңырақ" бағдарламасын жүргізе бастады.

Жұлдыз Әбдікәрімова жүргізетін “Шаңырақ” бағдарламасының эфирге шыққанына да төрт күн болды. Осы уақыт аралығында көрермен қауыммен үш мәрте тікелей эфирде жолыққан Жұлдыз бүгінге дейін жаңа қызметіне қатысты ешқандай пікір білдірмеді. Оған “жұмысымды дұрыс атқара алдым ба” деген күдік себеп болыпты. Бұл туралы Stan.kz хабарлайды.

“Шыны керек, парақшама салуға жүрексіндім, ұялдым десе де болады. Себебі тікелей эфирдің тізгінін ұстап, аяғына дейін алып шығу оңай болған жоқ (бастан аяқ қобалжу сезім үстінде болдым). Оның үстіне телевизия саласына алғаш қадам бастап, бірден 80 минуттық тікелей эфирдегі бағдарламаға кірісіп кету үлкен жауапкершілік”, – деп бастады сөзін Жұлдыз.

Әбдікәрімова бұл тақырыпқа қатысты арнайы пост жазбағанымен, желіде халық тарапынан айтылған сынға назар салған. Алайда Instagram-да жазылған пікірлердің ішінде орындысы да, орынсызы да бар.

“Дегенмен, барлық айтылып жатқан ой-пікірлерді ескеріп, алдағы уақытта Shanyraq-тың белсенді көрермендерінің үмітін ақтаймын деген сенімдемін. Ешкім тәжірибелі маман болып тумайды. Көш жүріп үйренеді емес пе?” – деп ақталды Жұлдыз.

Бұл орайда Әбдікәрімова бағдарламаның жарыққа шығуына атсалысқан кәсіби мамандарға, “Шаңырақ” бағдарламасының ұжымына, қолдау көрсеткен ата-енесі мен жары Қайрат Нұртасқа алғысын білдірді.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз