ІІМ: Инспекторларға шабуыл жасаған браконьерлердің кім екендіктері анықталды

Қарағанды облысында "Охотзоопромның" инспекторларына шабуыл жасағандардың кім екендіктері анықталды. Бұл туралы zakon.kz ҚР ІІМ ішкі және сыртқы коммуникациялар департаментінің директоры Алмас Сәдубабаевқа сілтеме жасап хабарлайды.

15-қаңтар күні елорданың №1 қалалық ауруханасында «Охотзоопром» ӨБ» РМҚК инспекторларының бірі қайтыс болған еді. Ол əріптесімен бірге 13-қаңтар күні қызметін өтеу барысында Қарағанды облысының аумағында браконьерлердің шабуылына тап болған.

"Аталған факт бойынша Қарағанды облысы Полиция департаментінің Тергеу басқармасымен ҚК 99-бабының 2-тармағына сәйкес (бір топ адам болып кісі өлтіру) сотқа дейінгі тергеу амалдары жүргізіліп жатыр. Қазіргі таңда тергеу жұмыстарының нәтижесінде аталған қылмысқа қатысы бар адамдардың барлығы анықталды. Соның аясында оларды құрықтау жұмыстары жүргізілуде", - деді Алмас Сәдубаев.

Ол қылмыскерлермен шайқас кезінде қаза болған инспектордың отбасы мен жақындарына қайғыра көңіл айтты.

Бұның алдында ҚР Бас прокурорының орынбасары Лукин, ол кім болса да Қылмыстық кодекске сәйкес жауапкершілкке тартылып, өз жазасын алатын болады деп айтқан.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021