Алматы облысында бойжеткен қазандық құбырына шығып секіріп кетпекші болды

Талғарға таяу маңда қазандық құбырына шығып, өз өзіне қол салмақ болған бойжеткенді ТЖБ қызметкерлері түсіріп алды, деп хабарлайды Zakon.kz ҚР ІІМ ТЖК Баспасөз қызметіне сілтеме жасап.

Оқиға бүгін, 19-ақпан күні орын алды.

"Сағат 11:18 Алматы облысы Талғар ауданы Талғар қаласының 2-МӨСБ пульт нөміріне Терешкова көшесінде орналасқан "Байсерке-Агро" ЖШС аумағындағы жұмыс жасамайтын қазандықтың құбырына 2000-жылғы қыздың шығып, секірем деп қорқытып тұрғандығы жайлы хабар келіп түсті. Қазандық Талғар ауданы Арбақай ауылының шет жағында орналасқан, оның биіктігі 35-40 метр", - деді ТЖК өкілдері.

Талғардың 2-МӨСБ Арқабай ауылының арасындағы қашықтық 30 шақырым. Оқиға орнына Талғар ауданы бойынша ТЖБ жауапты маманы, Талғар қалалық 2-МӨСБ 5 қызметкері мен 1 техникасы және полиция қызметкерлері жөнелтілген.

Оқиға орнына келген Талғар қалаласының 2-МӨСБ өрт сөндірушісі Рахимов Ришад пен Талғар ауданының ТЖБ аға инженері Нұрғалиев Нұрсұлтан қазандық құбырына шығып, бойжеткенмен әңгімлесіп, оны сағат 12:40 құтқару арқаны арқылы жерге түсіріп алған.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021