Петропавлда қар бес қабатты үйдің шатырын опырып жіберді

4 Наурыз 2019, 17:18
Сурет: СҚО ТЖД Баспасөз қызметі

СҚО ТЖД Петропавлда тұрғын үй шатырының жартылай опырылғаны туралы хабарлады, деп жазады Zakon.kz.

4-наурыз күні сағат 12:30 СҚО ТЖД Бірыңғай кезекшілік диспечерлік басқармасының 112 нөміріне Болатбаев көшесі, 28-үй мекен-жайында (Петропавлдың 19-шағын ауданы) орналасқан, 1983 жылы тұрғызылған 5 қабатты 165 пәтерлі тұрғын үйдің шиферлі төбесінің жартылай опырылғаны туралы хабар келіп түскен.

- ТЖ орнына дереу Департаменттің басшылық құрамы, "Өрт сөндіру және авариялық құтқрау қызметі" ММ жеке құрамы, "Жедел құтқару жасағы" ММ, Петропавл қаласы ТЖ Басқармасының мамандары, Полиция департаменті, қалалық әкімдіктің өкілдері (барлығы 31 адам, 10 техника) жетті. Полиция қызметінің күшімен қауіпті аймақ қоршауға алынды. Құтқарушылардың шатыр жай мен шатырдың жапа шеккен тұсын тексеру нәтижесінде 9 және 10 подъездердің аралығында, жалпы көлемі 50 шаршы метр аумақты құрайтын шиферлі жабындының қардың салмағына төтеп бере алмай опырылғаны белгілі болды, - деп хабарлап отыр ТЖД.

Қаза тауып, жапа шеккендер жоқ. келтірілген материалдық шығын анықталып жатыр.

Осындай жағдайларды болдырмас үшін СҚО ТЖ бойынша Департаметі барлық жеке-меншік ұйымдардың басшыларын шатырлар мен үй аулаларын қардан тазалау керектігін ескертіп отыр.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?