"Объем" үшін артық төлеме. Блогер Lada Vesta 1.6 мен 1.8-ді жарыстырды

"Вестаның" "механика" орнатылған екі нұсқасын жарыстырудың мақсаты – шамамен 600 мың теңгеге қымбатқа сатылатын 1,8 литрлік версия қаншалықты жылдам екенін анықтау, дейді vladtime.ru.

Lada Vesta-ның 1,8 литрлік қозғалтқышы 122 аттың күшін өндіреді, ал 1.6 қозғалтқышынан 106 күш әрең шығады. Бірақ екеуінің жүріс жылдамдығында айтарлықтай айырмашылық болмаса – артық ақша төлеудің қажеті қанша?

YouTube-тегі Arena Auto каналының блогері 1.6 мен 1.8 нұсқаларын өзара жарысқа салды.

Екі мәшинеге бірдей дискі мен дөңгелек орнатылды, екеуінің де жабдықталуы бірдей болды.

Орнынан қозғала салғанда 1,8 бірден алға ытқыды. Одан кейін де оза беріп, екі-үш корпусқа алға шығып кетті.

Сосын екі көлік "екінші скорыстан бастап" жарысып көріп еді, 1,8 тағы да озып кетті. Екі мәшине он-шақты рет жарысқа түсті, бірақ блогердің сөзінше 1,6 модификациясы бір де бір рет қарсыласынан оза алмаған.

Сол себепті орнынан сәл-пәл тезірек "разгон алатын" көлік сіз үшін маңызды болса, Vesta 1.8-ді таңдауға болады, деп қосады блогер.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021