Қазақстанда ауруханалар мен емханаларға миллиард теңгенің айыппұлы салынды

Қазақстандағы ауруханалар мен емханаларда медициналық қызмет сапасы мен көлемін тексеру барысында бірқатар заң бұзушылықтар анықталды. Сол үшін тиісті мекемелерге айыппұлдар салынды, деп хабарлайды Zakon.kz.

Жалпы, Қазақстан бойынша Әлеуметтік медициналық сақтандыру қоры 1,5 млрд теңгеге татитын заң бұзушылықтар тапты.

- Мониторинг барысында табылған негізгі заң бұзушылықтар – емдеу-диагностика шараларының стандарттарынан ауытқу, құжаттарды сапасыз жүргізу, қызмет құнын жөнсіз қымбаттату және медициналық қызмет көрсету деректерінің расталмауы, – деді Әлеуметтік медициналық сақтандыру қорының Алматы филиалындағы мониторинг бөлімінің жетекшісі Әсем Манапбаева.

Алматы қаласы бойынша айыппұлдар сомасы 116 млн теңгені құраған.

Қазір Алматыда медициналық көмектің кепілдендірілген көлемі бойынша 184 ұйым Әлеуметтік медициналық сақтандыру қорымен жұмыс істейді. Олармен 2019 жылға жасалған келісімшарттардың жалпы сомасы 105 млрд теңгеден асады.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021