Атамбаев абақтыға жабылды – оған айып тағылды

Алмазбек Атамбаев МҰҚК тергеу изоляторына қамалды. Бұл туралы адвокат Сергей Слесарев хабарлады, деп жазады akipress.org.

Атамбаевты тергеу 9 тамызда түнгі сағат 1-ге дейін созылды.

Бұрынғы президент Алмазбек Атамбаевқа жемқорлық бойынша ресми айып тағылды. Бұл туралы 24.kg сайтына оның адвокаты Сергей Слесарев мәлімдеді.

Оның сөзінше, ІІМ тергеушісі Атамбаевқа қылмыс әлемінің авторитеті Азиз Батукаевты түрмеден заңсыз босатты деген айып тақты.

- Бұл айыптау негізсіз. Оны куәгер ретінде шақырған, бірақ тергемеген болатын. Енді бірден күдікті етіп отыр. Бұл алдын ала жоспарланған сценарий. Бұл әрекеттер заңсыз, өйткені экс-президент ретінде Алмазбек Атамбаевтың қол сұғылмаушылық құқықтылығы бар, - деді Сергей Слесарев.

Алмазбек Атамбаевқа басқа айыптар тағылуы мүмкін бе деген сұраққа заңгер жауап бере алмады.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021