Атыраудағы жантүршігерлік жол апатын тергеуді облыс прокуроры өз бақылауына алды

Облыс прокуроры Атыраудағы жантүршігерлік жол апатын тергеуді өз бақылауына алды, деп хабарлайды ҚазАқпарат.

Атырауда таңғы сағат 09:30-да Баймұханов көшесінде жол апаты болып, жаяу жүргінші қаза тапты. "Тойота Камри" көлігінің жүргізушісі жаяу жүргіншілер жолағынан өтіп бара жатқан 17 жастағы колледж студентін қағып кетті. Жігіт оқиға орнында қаза тапты. Жол-көлік оқиғасы әлеуметтік желілерде қызу талқыланып жатыр.

"Қазіргі уақытта тергеу органы бірқатар сот сараптамасын жүргізіп жатыр. Прокуратура қажетті тергеу әрекеттерін жүргізу туралы жазбаша тапсырма берді. Тергеуді облыс прокуроры жіті бақылауға алды", - деп хабарлады Атырау облыстық прокурорының аға көмекшісі Қанат Қабдолов.

Бұдан бұрын жаяу жүргіншіні қаққан жүргізуші ұсталғаны хабарланған. Сондай-ақ студентті қаққан көлікпен жарысқан Мерседес көлігі де автотұраққа қойылған.

Оқи отырыңыз

Су тасқыны: 41 005 адам өз үйлеріне оралды

11:33, 01 мамыр 2024

Атырау облысында Жайық өзеніндегі су деңгейі күн сайын аз-аздан көтеріліп келеді

09:54, 01 мамыр 2024

80 мың теңгеге дейін: қазақстандықтарға су тасқыны туралы жалған ақпарат таратқаны үшін айыппұл салына бастады

14:53, 30 сәуір 2024