Қазақстанда жұма күні ауа-райы қандай болады
Zakon.kz
Атмосфералық фронтальды бөліктердің өтуіне байланысты республиканың басым бөлігінде тұрақсыз ауа-райы сақталады, деп хабарлайды Zakon.kz Қазгидрометке сілтеме жасап.
Оңтүстікте, оңтүстік-шығыста кей жерлерінде жаңбыр және қар түрінде жауын-шашын жауады, солтүстік-шығыста, солтүстік-батыста және республиканың ортасында қар жауады. Кей жерлерде тұман күтіледі, жел күшейеді, көктайғақ, бұрқасын күтіледі.
Ақмола, Қарағанды облыстарының кей жерлерінде тұман, көктайғақ, бұрқасын күтіледі, жел 15-20 м/с күшейеді.
Шығыс Қазақстан облысының кей жерлерінде көктайғақ, бұрқасын күтіледі, кей жерлерде жел 15-20 м/с күшейеді. Қостанай облысының кей жерлерінде тұман, көктайғақ, жаяу бұрқасын күтіледі, түнде кей жерлерде жел 15-20 м/с күшейеді.
Жамбыл облысының кей жерлерінде тұман күтіледі, күндіз кей жерлерде жел 15-20 м/с күшейеді.
Алматы облысының кей жерлерінде түнде және таңертең тұман күтіледі, Жаланашкөл ауданында жел 17-22 м/с күшейеді.
Түркістан, Қызылорда, Маңғыстау, Батыс Қазақстан, Ақтөбе, Солтүстік Қазақстан облыстарының кей жерлерінде тұман күтіледі, Түркістан облысында, күндіз Жамбыл облысының кей жерлерінде жел 15-20 м/с күшейеді.
