Әлемнің ешбір елі коронавирус деп Қытаймен шекарасын жапқан жоқ
газета.ру
Қытаймен арадағы шекарасын әлемнің ешбір мемлекеті жапқан жоқ. Тіпті короновирус кіріп кеткен жағдай анықталып жатса да. Сол себепті Қытаймен арадағы әуе қатынасына шектеу жасалмайды. Бұл туралы бүгін Нұр-Сұлтанда қалалық Тауар мен қызметтер сапасын бақылау департаменті жетекшісінің м.а. Сархат Бейсенова мәлімдеді, деп хабарлайды zakon.kz тілшісі.
– Қытаймен арадағы шекарасын әлемнің ешбір мемлекеті жапқан жоқ. Оның ішінде коронавирус кіріп кеткен жағдайлар тіркелген мемлекеттер де. Бүкіл әлемде коронавирустық инфекцияның тарауын бақылауды күшейтудің шаралары бірдей жүргізілуде, – деді ол.
Бейсенованың айтуынша, вирусты бақылау ең алдымен Қытайдан келетін адамдарды бақылаудан басталады. Сол себепті ұшақтан түскен барлық жолаушылардың дене қызуын бақылау күшейтілген.
– Дене қызуы жоғары адамдар анықталған жағдайда оларды тексеруге алып кетеміз. Ең бастысы, бір Нұр-Сұлтанға соңғы 20 күннің ішінде келген тұлғалардың бәріне мониторинг жүргіземіз, денсаулығын анықтаймыз. Бұл жұмыс күнделікті жүргізілуде, – деді Бейсенова.
Қазақстан астанасына келген шетелдіктердің тізімін, тұратын жері мен жұмыс орны туралы мәліметтерін қоғамдық денсаулық сақтау басқармасына ҚР ІІМ береді.
– Біз коронавирус белгілерін дер кезінде анықтау үшін келген шетелдіктердің денсаулығын 14 күн бойы бақылауға тиістіміз. Бірақ инкубациялық кезең тура соңғы күні аяқталуы да мүмкін, сондықтан әрбір тұлғамен жеке жұмыс істейміз, – деп қосты ол.
Айта кетсек, 2011 жылдан бастап қазірге дейін Қазақстанда коронавирустық инфекцияға шалдыққан ешбір науқас тіркелмеген. Коронавирус Қазақстанда 2002 және 2011 жылы тіркелді.
