Қызылорда облысында Covid-19 жұқтырған 3 адам туралы ақпарат
Сурет: zakon.kz
Ауру жұқтырғандардың үшеуі Сырдария ауданы Амангелді ауылында тіркелді. Барлығы да коронавирус инфекциясын жұқтырған адаммен қарым-қатынаста болуына байланысты карантиндік стационарға жатқызылып, зертханалық сынамалар алынған, деп хабарлайды zakon.kz.
ПТР диагностикалық зерттеу қорытындысымен COVID-19 диагнозы нақтыланды.
Қазіргі таңда науқастардың жағдайлары қанағаттанарлық. Бекітілген хаттамаға сәйкес тиісті ем жүргізілуде.
Науқастармен қарым-қатынаста болған адамдар анықталып, барлығы медициналық бақылауға алынуда.
Ауру ошақтарында эпидзерттеу жұмыстары, дезинфекциялық жұмыстар жүргізіліп жатыр.
08.04.2020 жағдай бойынша өңірде COVID-19 коронавирус инфекциясын жұқтырған 72 адам анықталды:
Қызылорда қаласында – 9 адам,
Жаңақорған ауданында – 16,
Қармақшыда – 4,
Шиеліде – 35,
Сырдария ауданында – 7,
Арал ауданында – 1.
