Алматы маңында құрылған лагерьде бір үйсіз-күйсіз адам көз жұмған

27 Мамыр 2020, 17:32
Сурет: polisia.kz

Алматыдағы баспанасыздарға арналып құрылған лагерьде бір мас адам қайтыс болды, деп хабарлайды zakon.kz

"Наурыз айының соңында баспанасыздар қауіпті топқа жататындықтан, біз оларды оқшаулауға кірістік. Олар үшін палаткадан арнайы лагерь құрдық, тамақпен қамтамасыз еттік, душ, дәретхана орнаттық, барлық жағдай жасалды. Бұл қиын адамдар, бір жерде отырғысы келмейді, қалада шарлап жүре берсем дейді. Белгілі бір қиындықтар болды. Бір адам көз жұмды, бірақ ол мас болғандықтан қайтыс болды", - деді әкім.

Билік үйсіз-күйсіз адамдарды да коронавирусқа тексерді. Екі тест нәтижесі оң болып шықты. Олар ауруханаға жатқызылып, емделді.

Қазір панасыздарға арналған лагерь жинастырылып алынған.

Бұған дейін Vlast.kz басылымының журналистері баспанасыздарға арналған лагерьде адамдарға қиянат жасайтынын хабарлаған: оларға тамақ бермейді, ұрып-соғады. Осыған байланысты жеті адам лагерьден қашып кетті деп болжанған. Сонымен қатар, басылымның кейіпкерлерінің бірі ол жерде үш адам өлтірілгенін айтқан.

Алматы полициясы бұл ақпаратты жоққа шығарды.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?