Аягөзде мектеп бітіргендеріне 10 жыл болған жастар ерекше сый жасады

Аягөз қаласының 2010 жылғы түлектері Рамазан айында игі іс бастап, жалғызбасты анаға баспана алып берді, деп хабарлайды Altaynews.

Мектеп бітіргендеріне 10 жыл толуына байланысты Аягөз қаласының түлектері ерекше игі істі қолға алды. Олар қаладағы мүгедек бала асырап отырған жалғызбасты анаға қасиетті жұма күні үш бөлмелі үйдің кілтін табыстады.

- Қазақтар – жетім-жесірін жылатпаған халық. Біз жүрегіміздің жылуын қарапайым халықтың мұқтаж отбасына сыйлауға дайынбыз. Осы игі іске ат салысқан барша азаматтарға Алланың разылығын тілейміз, - дейді аягөздік жастар.

Олардың жоспарында тағы бір жалғыз басты анаға пəтер сыйласақ деген ниеттері бар екен. Қазіргі таңда баспана алуға біраз қаражаттары жеткіліксіз болып тұрған көрінеді. Аягөз халқынан, атқа мінерлерінен игі іске өз үлестерін қосуға шақырады.

- Жұмыла көтерген жүк жеңіл. Сіз болып, біз болып тағы бір ананы Алла разылығы үшін қуанышқа бөлесек, - дейді жастар.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021