Жездесін бауыздаған діндар спортшы қылмыстық жазаға тартылмайтын болды
Наша газета
Қостанай облысында жездесін өлтірді деп айыпталған боксшы Аслан Мұқановтың ақыл-есі дұрыс емес деп танылып, қылмыстық іс тоқтатылды, деп хабарлайды zakon.kz.
Өткен жазда бокстан әлем чемпионы, 31 жастағы Аслан Мұқанов ұйықтап жатқан өзінің туысы Серік Пішенбаевты өлтірді деген күдікке ілінді. Боксшы жездесін бауыздап, із-түссіз жоғалып кеткені туралы хабарланған. Жәбірленушінің әйелі болған оқиға туралы полицияға хабарлаған. Қостанай облысында қылмыскерді ұстау жоспары жарияланып, көп ұзамай чемпион ұсталды.
Тергеу мен сот ісі бір жылға жуық уақытқа созылды. Осы уақыт ішінде Мұқанов төрт сот-медициналық сараптамадан өтті, олардың барлығы боксшының қылмыс жасау кезінде өз әрекетіне есеп беретіндей жағдайда болмағанын растады.
Нәтижесінде бүгін, 12 маусымда сот чемпионды ақыл-есі дұрыс емес деп танып, ол қылмыстық жазадан құтылды.
Қоғамға қауіпті әрекет жасау кезінде А.Мұқановтың өз ісіне есеп беретіндей жағдайда болмаған күйі ескеріліп, ҚР Қылмыстық кодексінің 16-бабының талабы негізінде оған қатысты ҚР Қылмыстық кодексінің 99-бабы 3-бөлімі, яғни "Кісі өлтіру" бойынша қозғалған іс тоқтатылып, ол қылмыстық жауапкершіліктен босатылды, деп хабарлады Қостанай облыстық сотының баспасөз қызметі.
Алайда оның басында психикалық ауытқуы бар екенін ескерсек, боксшы мәжбүрлі түрде психиатриялық ауруханада емделуі тиіс.
Осы сот қаулысына сәйкес, А.Мұқанов мамандандырылған психиатриялық ауруханада мәжбүрлеп емделуге жіберілді. Сот қаулысы заңды күшіне енген жоқ, делінген құжатта.
Аслан Мұқанов былтыр наурызда Ұлттық бокс қауымдастығынан бокс бойынша әлем чемпионатында венесуэлалық Стивен Монтерросты бірінші раундта нокаутқа жіберген болатын. Бұл - оның рингтегі алтыншы жеңісі, оның бесеуінде ол жекпе-жекті мерзімінен бұрын аяқтады. Ол мұндай нәтижеге қысқа мерзімде - бір жарым жылдың ішінде қол жеткізді. Осы уақыт ішінде ол Колумбияда тұрып, білім алды.
