Алматы облысының бас санитарлық дәрігері жаңадан тағайындалды
Баспасөз қызметі
Алматы облыстық Тауарлар мен қызметтердің сапасы мен қауіпсіздігін бақылау департаменті тізгіні Ерғали Сыдымановқа бұйырды, деп хабарлайды zakon.kz.
Бұған дейін ол Маңғыстау облысы бойынша осындай департаменттің бастығы болған, деп атап өтті ведомствоның баспасөз қызметі.
Ерғали Жақсыбекұлы 1970 жылы 7 сәуірде Қарағанды облысында дүниеге келді.
1996 жылы С. Д. Асфендияров атындағы Алматы мемлекеттік медицина институтын, 2004 жылы М.Х. Дулати атындағы Тараз мемлекеттік университетін бітірді. Мамандығы: гигиена дәрігері, эпидемиолог және заңгер.
2020 жылы "Қазақ медициналық үздіксіз білім беру университетін" бітіріп, денсаулық сақтау магистрі атағын алды.
Еңбек жолын 1987 жылы Жамбыл қаласында жедел жәрдем дәрігері ретінде бастады, содан кейін Қазақ КСР-нің Мемлекеттік санитарлық-эпидемиологиялық қадағалау мекемесінің Жамбыл облысы бойынша қоғамдық гигиена бөлімінің бастығы болды.
1999 жылы Атырау қаласы СЭС бас дәрігерінің орынбасары болып тағайындалды.
2000 жылы Атырау қаласының СЭС бас дәрігері болды.
2003 жылы Талдықорған қаласындағы Мемлекеттік санитарлық-эпидемиологиялық қадағалау бөлімінің бастығы болды.
2005 жылдың қаңтарынан бастап 2019 жылға дейін - Алматы облысы мемлекеттік санитарлық-эпидемиологиялық бақылау департаментінің директоры,
2019 жылғы 23 мамырдан 2020 жылғы тамызға дейін Маңғыстау облысы бойынша Тауарлар мен қызметтердің сапасын бақылау және қауіпсіздікті бақылау департаментінің бастығы болды.
