Сеулде алғаш рет қазақ қызының ұзатылғанда киетін көйлектері көрсетілді

Қазақстандық дизайнерлер өз туындыларын Сеулдегі сән көрмесінде паш етті, деп хабарлайды "Хабар 24".

Шоу XIII "Корея – Орталық Азия" ынтымақтастық форумы аясында өтті. Пандемияға байланысты іс-шара онлайн режимінде өтті.

Еліміз атынан көрмеге Күнкей сән үйі қатысты. Қыз ұзатуға арналған 19 көйлек ұсынылды. Коллекцияның ерекшелігі – қазақтың ұлттық ою-өрнегі.

Көрмені ұйымдастырушылар – "Корея – Орталық Азия" ынтымақтастық форумы хатшылығының айтуынша, мұндай қазақ ұлттық киімі Сеулде алғаш рет ұсынылып отыр.

Пак Санг Бэ, "Корея – Орталық Азия" ынтымақтастық форумы хатшылығы бас директорының орынбасары:

- Менің ойымша, қазақтың ұлттық киімдері дәстүрлі мәдениеттің сұлулығын жақсы көрсетеді. Осы шоу арқылы корей халқы қазақ киімдерінің бірегей әсемдігін тамашалай алды.

Айжан Байзақова, "Күнкей" сән үйінің өкілі:

- Біз ұлттық ою-өрнектеріміздің үлгісін алып, қазіргі заманауи сәнге лайықтап, өзгертіп жасап жатырмыз.

Оқи отырыңыз

Димаш өзінің жаңа әніне түсірген бейнебаянынан үзіндіні көрсетті

10:16, 28 сәуір 2024

Әлемдік жұлдыз Зендея жаңа фильмнің түсірілімінен қанша табыс тапты

09:27, 26 сәуір 2024

"Адам іздеп жүрмін!". Астанада Әкім Ысқақтың шығармашылық кеші өтті

22:28, 24 сәуір 2024