Алматы әкімдігі жұмыста отырған Нұрашевтың видеосын ұсынды

Алматы қаласы әкімдігі Жайлы қалалық орта басқармасының бастығы Сапар Нұрашевтың жұмыс орнында екендігін нақтылайтын фото және видеоны ұсынды, деп хабарлайды zakon.kz.

Көріп отырғаныңыздай, мен жұмыс орнындамын. Бүгін таңертең әкімнің қатысуымен аппарат мәжілісі өтті. Бірқатар нұсқаулар берілді, біз берілген жұмыс кестесіне сай жұмыс істеп жатырмыз. Мені ешқайда шақырған жоқ, маған ешкім хабарласпады. Жұмыс үстіндемін.
Сапар Нұрашев

Бұған дейін әлеуметтік желілерде инфекциялық модульдік аурухананың құрылысына бөлінген қаржыны жымқыру фактісі бойынша ЖШС мен "Жайлы қалалық орта басқармасы" басшыларына қатысты Алматыда қылмыстық іс қозғалғаны туралы ақпарат пайда болды. 2020 жылы сәуірде 280 орындық модульді жұқпалы аурулар ауруханасының құрылысына бюджеттен бөлінген 5,5 млрд теңгенің 3,9 млрд теңге көлеміндегі қаражаттың ұрланғандығы хабарланды. Алматы қаласы бойынша Сыбайлас жемқорлыққа қарсы қызмет департаменті ұрлық фактісін растады, бірақ оған қатысты кім де кімнің ұсталған-ұсталмағанын айтпады.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021