Нұр-Сұлтанда ХҚО-лардың жұмыс уақыты 2 сағатқа қысқарды

Азаматтарға арналған үкімет

Жұмыс кестесі қайта өзгерді.

Нұр-Сұлтан қаласының бас мемлекеттік санитарлық дәрігерінің қаулысымен елордалық ХҚО-лардың жұмыс уақыты 2 сағатқа қысқарды, деп хабарлайды zakon.kz.

Енді халыққа қызмет көрсету орталықтары, сонымен қатар автоХҚО-лар қызмет алушыларды дүйсенбі-сенбі күндері аралығында 09.00-ден 18.00-ге дейін қабылдайтын болады.

Естеріңізге сала кетсек, бұдан бұрын елордалықтар ХҚО-ға дүйсенбі-жұма күндері 09.00-ден 20.00-ге дейін және сенбі күні 18.00-ге дейін аралығында жүгіне алатын.

Сондай-ақ, ХҚО-ларда әлі де карантин талаптарына сай бетперделік режим және дистанция сақталады.

Халыққа қызмет көрсету орталықтарының мекен-жайлары:

№1 Есіл аудандық бөлімі – Мәнгілік ел даңғылы, 30;

№2 Есіл аудандық бөлімі – Сауран көшесі,7;

Алматы аудандық бөлімі –Тәуелсіздік даңғылы, 32;

Байқоңыр аудандық бөлімі –Абай даңғылы, 80;

№1 Сарыарқа аудандық бөлімі –Республика даңғылы, 43;

№2 Сарыарқа аудандық бөлімі –С409 көшесі, 13;

№1 мамандандырылған ХҚО –20 – 40 көшесі, 2.

№2 мамандандырылған ХҚО –А-82 көшесі, 8 ("Нұрлы-жол" вокзал кешені ғимараты)

Оқи отырыңыз