Лудоман. Букмекерге 20 млн ұтылған жігіт

15 Ақпан 2021, 12:19
Сурет: видеодан кадр

24 жастағы жігіт 20 миллион теңгесін букмекерлік кеңселерге құйған. Құмар ойындардың қызығына елітіп, қыруар қаржысынан айырылған азамат жұмыс істемей, осындай амалмен өмір сүруге болады деп ойлапты. Тіпті ақыр соңында тәуелділіктен арылу үшін арнайы орталыққа жатқызылып, ем-дом қабылдаған, деп хабарлайды zakon.kz Еуразия бірінші арнасына сілтеме жасап.

Нұрдәулет Назаралы 5 жыл бұрыңғы өмірін еске алуға ниеті жоқ. Өйткені, сол кездері ол белшесінен қарызға батқан, жақындарын әбігерге салған жан еді. Жігітті бұлай қиналуына, басқаны қинауына букмекерлік кеңседен шықпайтын досы, өз нәпсісі себепші болыпты. Қайда жүрсең де «мен мұндалап» тұратын "ставкалар" орталығының қақпанына жақын досы түсіп, оны құтқарамын дегенде, өзі құрбанына айналған.

Нұрдәулет Назаралы, қала тұрғыны:

Досымды шығармақшы болып бардым. Сонда қалай кіріп кеткенімді білмей қалдым. Өйткені өзім "мнение" айттым. Ол ойым ойнаған соң, ойладым, ақшаны табудың оңай жолы деп. Ол ертесіне келді. Ол үйде қуанып жүгіріп жүргенде, мен неге қомақты соманы осылай, жұмыс істемей ақ таба берсем болады екен ғой деп.


Осыдай кейін кейіпкеріміз ата-ана, туыс-тума беретін қалта қаржысын букмекерлерге таситынды әдетке айналдырады. Кейіннен мұнысын олар, әрине, біліп қояды. Жас жігіт қарызға батудан бөлек, үш жылда 20 миллион теңгені бәс тіккен.

Нұрдәулет Назаралы, қала тұрғыны:

Достарымнан, ағамның достарынан сұраймын. Бұрын соңды левый тірліктермен ұсталмаған бала, тепк оң жолмен жүрген бала бәрі сеніп бере берді. Менде ол кезде ойламадым, бәрін алдап, лақтырып кетем деген сыңайлы. Тез-тез раскидаю деп ойладым.


Құмар ойын санасын билеп алған Нұрдәулетті жақындары ем-дом орталығына жатқызған. Ол нәтиже берсе керек, азамат тәуелділіктен толық айыққанын айтады. Бірақ, кейде "ставка" жайын ойлайтынын да жасырмайды. Ал, оңалту орталығындағылар тәуелділігімен күреске жылда 500 адам келетінін айтады.

Нұрлан Тұрсынбеков, оңалту орталығының директоры:

Ем-шара келісімшарт бойынша жабық түрде өтеді. Адам ол жерден шыға алмайды. Ол өз еркімен конституциялық құқығын шектеуге келісім береді. Ата-анасы, жақындары келісім бере отырып, сол ем-шараға кіріседі. Оңалту процесі 4 айдан 5 айға дейін өтеді.

Оңалтудан шыққандардың 80 пайызы лудоманиядан емделеді екен. Бірі өмір бойы, өзгесі бірнеше жылға ойындардан алшақтайды. Бастысы, ескі орта мен ойдан әрдайым қашық жүру керек. Ал, егер нәпсі қоймаса, тәуелді жан орталыққа асыққаны жөн. Айтпақшы, бәс тігуші, казиноқұмар, ұтыс автоматтарына көбіне жоғары білімі барлар әуес екен.

Нұрлан Тұрсынбеков, оңалту орталығының директоры:

Көбісі шетелде оқып келген балалар. Екі-үш тілі білетін балалар. Ойнықұмарлыққа шалдыққан тұлғалардан темекі шегіп, арақ ішкенін байқамағанмын. Англия, Қытай, Еуропадан білім алып келгендер.


Психологтар болса, жеңіл ақша табудың осындай түріне қызығушылық бала кезден басталып, қалыптасатынын айтады.

Айгүл Рахымжанқызы, психолог:

Ата-ана, ерте жастан немесе келіншектеріміз балаларды тастап, жұмысқа шығым кету, болмаса, бір қаладан екінші қалаға үй алуымыз керек деп, әлеуметтік жағдайларын түзету үшін балаларын тастап кетіп жатады. Бұл ең жақын адамын жоғалтумен бірдей. Сондықтан бұндай балалар құмар ойындарына, наркомания, алкоголизмге тәуелді болады.


Сондай-ақ, ата-ана балаға қатты ұрыспауы керек. Оған өз күшіне сену туралы ақыл-кеңесін де айтып отырған жөн. Егер барлығы керісінше жасалса, жетілгенде ол ойынқұмар адам болуы әбден мүмкін. Ал, ең өкініштісі, ойынға тәуелдімен бірге қасындағылар да қиналады.

Статистика бойынша ойынқұмар бір адам өз маңайына 15-20 адамды тартады. Соның ішінде туысқандары, кредиет беретін мекемелер бар, банктер бар.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?