Төле би – Алматыдағы ең сорлы көше. Басқа атау беру керек еді

facebook.com / niyazbek.zharas

Ала жаздай ремонт. Көліктер түтінін будақтатып сағаттап тұрады кептелісте. Кайф.

Алматының бар проблемасы шешіліп, бүкіл жағдайы реттеліп, халықтың әл-ауқаты артып, әкімдіктің бір жыл бұрынғы асфальт жолды жаңартудан басқа жұмысы қалмады! Қандай ғажап! Керемет қой бұл, деп күйініп кетіпті желіде Жарас Ниязбек деген жігіт.

Байбек тоқтатқан трамвай рельстері араға 4 жылдай уақыт салып топыраққа көмілмек. Оны қазып алып кәдеге жаратуға немесе қайтадан сондай экологияға зиянсыз қоғамдық көлік жүргізуге мүлде болмайды. Әкімдік солай ойлайтын сияқты. Есесіне жыл сайын бордюр ауыстыру мен жаңа төселген жолды қайта қазып асфальт төсеу өте қажет! Кезек күттірмес мәселе.

Төле би көшесі - қаладағы ең бір сорлы көше. Басқа атаумен атау керек еді. Жыл сайын қазылады. Ала жаздай ремонт. Көліктер түтінін будақтатып сағаттап тұрады кептелісте. Кайф. Иә, әкімдік кайф алады содан. Басқаша болуы мүмкін емес.

Осылар қай жерімен ойлайды екен?

Әй, көкелер! Жолды жөндеме демейді, жөнде. Иә, Төле би көшесінде қаланы жылумен қамтитын негізгі магистраль жатыр. Білеміз оны. Бірақ қазып тастап, бетіне қарап отырған дұрыс емес. Сендердегі басты кемшілік: жол жөндейміз деп бордюр ауыстырып, асфальт төсейсіңдер. Бір жыл өтпей немесе артынша құбырды ауыстыру керек болады Қайта қазып жап-жаңа асфальтты қырып алып, қайта жол төсейсіңдер. Классика!