ШҚО-да көшелер мен ашық аумақтардан 13 мың текше метр қар суы сорып алынды
Сурет: ШҚО ТЖД
1 сәуірде сағат 10-00-ден 20-00-ге дейін Бесқарағай ауданында ТЖД және ЖАО құтқарушыларының күшімен көшелер мен ашық аумақтардан еріген қар суын сору жұмыстары жүргізілді, барлығы 13095,2 текше метр су сорып алынды.
Ауқымды шараға ШҚО ТЖД 20 қызметкері және төрт техника, төрт мотопомпа, ЖАО тарапынан сегіз қызметкер және үш техника жұмылдырылды.
ШҚО ТЖД азаматтарға мынандай кеңес береді:
үй маңындағы аумақты қардан тазарту, арықтар мен бұлақтардың арналарын бітеп тастамау, өйткені бұл судың кептелуіне әкеледі;
үй аумағын (қаптар, топырақ, құм, саз) үймелеу үшін қолда бар материалды дайындау;
жағдай ушыққан жағдайда эвакуациялауға дайын болу, малды қауіпсіз жерге апару- құжаттарды, қажетті заттарды, дәрі-дәрмектерді дайындаңыз;
бағалы заттарды жоғарғы қабаттарға ауыстыру.
Эвакуация жағдайында:
газ, электр және суды өшіріңіз;
жанып жатқан пештердегі отты сөндіру;
су басу қаупі бар үй-жайлардан жануарларды шығару.
Төтенше жағдай кезінде "112" шұғыл байланыс желісіне хабарласуға болады
