Головкин–Мурата жекпе-жегінің билеттері 82 мың теңгеден басталады

GGG-Murata, сурет - Zakon.kz жаңалық 08.04.2022 16:26

Коллаж: Zakon.kz

9 сәуірде Жапонияның Сайтама қаласында орта салмақтағы IBF және IBO чемпионы Геннадий Головкин мен WBA Super белбеуінің иегері Риота Мурата арасындағы біріктіру жекпе-жегі өтеді. Бұл жекпе-жекке бір күн қалғанда кассада санаулы билеттер ғана қалды, деп хабарлайды Zakon.kz.

GGG–Murata жекпе-жегі Жапонияның ірі спорт ареналарының бірі – 37 000 көрерменге арналған Saitama Super Arena-да өтеді. Арена көптеген спорттық жарыстар мен басқа да іс-шараларға арналған.

Saitama Super Arena билет кассасының сайтындағы бағаларды қарасақ, қазір екі секторда 22 000 иен (82 280 теңге) және 33 000 иен (123 420 теңге) тұратын билеттер қалған. Олардың саны аз.

Ең қымбат билеттер сатылған үш сектордан жанкүйерлер билет алып үлгерген. Бұл аймақтарға кіру билеттері шамамен 111 000 иен (205 700 теңге), 77 000 йен (287 980 теңге) және 111 000 иеннен (415 140 теңге) сатылды.

Оқи отырыңыз