Жаңалықтар тізбегі
0

ІІМ мектептегі балаларды қалай қорғайтынын айтты

ҚР ІІМ, мектеп, оқушы қауіпсіздігі, сурет - Zakon.kz жаңалық 18.04.2022 13:11 Сурет: Zakon.kz
2021-2022 жылдарға арнап әзірленген жол картасы балаларға қатысты заңсыз әрекеттердің санын айтарлықтай азайтуға мүмкіндік береді. Бұл туралы брифингте ҚР ІІМ Әкімшілік полиция комитеті басшысының орынбасары Жасұлан Жұманалин айтты, деп хабарлайды Zakon.kz тілшісі.

Білім және ғылым министрлігі Ішкі істер министрлігімен және басқа да мемлекеттік органдармен бірлесіп, барлық деңгейдегі білім беру ұйымдарында білім алушылардың қауіпсіздігін қамтамасыз ету жөніндегі 2021-2022 жылдарға арналған Жол картасын әзірледі, ол бірқатар шараларды қамтиды:

  • білім беру ұйымдарының бейнебақылау жүйелерін полиция органдарының Жедел басқару орталықтарына қосу;

  • лицензиясы бар күзет ұйымдарымен қала аумағында орналасқан білім беру объектілерінің қауіпсіздігін қамтамасыз ету;

  • мектептерде төтенше жағдайларға және терроризм актісі қаупіне әрекет ету бойынша практикалық сабақтар өткізу;

  • білім беру ұйымдарында балалардың қауіпсіздігін қамтамасыз ету мәселелерін әкімдіктердің отырыстарында міндетті түрде жүйелі түрде қарау туралы норманы енгізу.

    Жүргізіліп жатқан жұмыстар білім беру мекемелерінің қауіпсіздігіне айтарлықтай әсер етіп, оқушылар арасындағы заңсыз әрекеттердің санын азайтады. ҚР ІІМ Әкімшілік полиция комитеті басшысының орынбасары Жасұлан Жұманалин

    Ведомство өкілі Білім министрлігі әкімдіктермен бірлесе отырып, мектептерді техникалық жағынан нығайту жұмыстарын жүргізіп жатқанын, атап айтқанда, «дабыл түймелері», бейнебақылау, дабыл жүйелері орнатылып, бақылау-өткізу жүйесі, оның ішінде турникеттер енгізіліп жатқанын еске салды.

    Жұманалиннің айтуынша, бүгінгі таңда білім беру ұйымдарының басым бөлігі террористік тұрғыдан осал нысандарға жатқызылған, сондықтан биыл наурызда білім беру ұйымдарын терроризмге қарсы қорғауды ұйымдастыру бойынша арнайы нұсқаулық бекітілген.

    Ішкі істер министрлігі Білім және ғылым министрлігімен бірлесе отырып, білім беру ұйымдарына бейнебақылау жүйелеріне қойылатын талаптарды бекітті, оларды орнату орындарын, бейне мәліметтерді сақтау мерзімдерін белгіледі. Әкімдіктер мектептерді осындай жүйелермен толық жабдықтау жұмыстарын жүргізіп үлгерді. Қазіргі уақытта бейнебақылау камераларының санын көбейту жұмыстары жүргізіліп жатыр.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: