Кадрлар, жабдықтар, гранттар: елордалық денсаулық сақтау саласы қалай дамып жатыр

Медицина қызметкерлері күні Сурет: astana.gov.kz
Ведомстволық бағынысты медициналық ұйымдарда барлығы 20 000-ға жуық медицина қызметкері еңбек етеді. Оның ішінде дәрігерлер 5 600-ден астам, орта медицина қызметкерлері 10 000-ға жуық, ал кіші медицина қызметкерлері 4 000-ға жуық адамды құрайды, деп хабарлайды Zakon.kz.

Бүгінде елордада 47 МСАК ұйымы мен стационар бар. Онда 20 мыңға жуық медицина қызметкері еңбек етеді. Нұр-Сұлтан қаласының Қоғамдық денсаулық сақтау басқармасы олардың қандай қолдау шараларымен қамтылғаны, сондай-ақ қалалық клиникаларды жарақтандыру туралы айтып берді, делінген елорда әкімдігінің ресми сайтында.

Құрал-жабдықтар мен ауруханалар

Бейінді басқарманың мәліметінше, елордада 38 МСАК ұйымы амбулаториялық-емханалық көмек көрсетеді. Қалада 9 стационар жұмыс істейді, оның үшеуі - балалар (№1 Көпбейінді қалалық балалар ауруханасы, №2 Көпбейінді қалалық балалар ауруханасы, № 3 көпбейінді қалалық балалар ауруханасы), төртеуі - көпбейінді ересектер стационарлары (№1 Көпбейінді қалалық аурухана, № 2 Көпбейінді қалалық аурухана, №3 көпбейінді қалалық аурухана, Көпбейінді медициналық орталығы), екеуі - бір бейінді стационарлар(қалалық фтизиопульмонология орталығы, Қалалық психикалық денсаулық орталығы).

Олардың медициналық техникамен жабдықталуына ерекше көңіл бөлінеді, өйткені пациентке медициналық көмек көрсету сапасы осыған тікелей байланысты.

Кадр мәселесі

Сурет: astana.gov.kz

Кадрлар

Жалпы, елордалық медициналық ұйымдарда медициналық техникамен жабдықтау 91,6% - ды құрайды. Мысалы, соңғы жылдары 560 бірлік медициналық жабдық сатып алынды.Бүгінгі күні елорда халқы 1 млн 257 мың 613 адамды құрайды, қалалық медициналық мекемелерге 1 млн 313 мың 206 адам бекітілген.

"МСАК ұйымдарына Қазақстан Республикасының азаматтары, қандастар, босқындар, Қазақстан Республикасының аумағында тұрақты тұратын шетелдіктер және (немесе) азаматтығы жоқ адамдар бекітіледі. Осылайша, ел азаматтары болып табылатын қала тұрғындары мен жақын өңірлерден басқа, елорданың медициналық ұйымдары басқа санаттағы адамдарға да қызмет көрсетеді", - деп түсіндірді басқармадан.

Ведомстволық бағынысты медициналық ұйымдарда барлығы 20 000-ға жуық медицина қызметкері еңбек етеді. Оның ішінде дәрігерлер 5 600-ден астам, орта медицина қызметкерлері 10 000-ға жуық, ал кіші медицина қызметкерлері 4 000-ға жуық адамды құрайды.

Кадрлардың үздіксіз кәсіби дамуы үшін жағдайлар жасалған, бұл үшін бюджетте мамандардың біліктілігін арттыруға және оларды ел ішінде және шетелде қайта даярлауға қаражат көзделеді.

Мысалы, 2020-2021 жылдарға медициналық кадрларды (резиденттерді) даярлау үшін 293 мемлекеттік грантқа ақшалай қаражат бөлінді. Қазіргі уақытта жоғарыда аталған саннан 274 резидент білім алуда.

Орта медициналық қызметкерлерді даярлауға арналған 250 Мемлекеттік әлеуметтік тапсырыс орындарына қолдау көрсетілді, оның ішінде емдеу ісі – 50, мейірбике ісі – 200.

Жалақы

Сурет: astana.gov.kz

Дәрігерлердің жалақысы жайлы

Мемлекет басшысының тапсырмаларын орындау аясында 2023 жылға дейін дәрігерлер мен орта медициналық қызметкерлердің жалақысын жыл сайын кезең-кезеңімен арттыру көзделген.

Арттыру мониторингінің қорытындысы бойынша дәрігерлердің жалақысы орта есеппен 30% – ға артып, 327,4 мың теңгені (барлық төлемдерді ескере отырып), орта медициналық персоналдың жалақысы 20%-ға (226,9 мың теңге) өсті.

Медициналық жоғары оқу орындарының мамандары мен түлектерін тарту бойынша бекітілген іс-шаралар жоспары шеңберінде "Назарбаев Университетімен", Нұр-Сұлтан, Алматы, Қарағанды, Семей қалаларының медициналық университеттерімен, жетекші шетелдік жоғары оқу орындарымен стратегиялық әріптестік жүргізілуде.

Медициналық қызметкерлерге арналған баспана

Медициналық ұйымдардың басшылары мен адам ресурстары жөніндегі мамандары жыл сайын еліміздің медициналық жоғары оқу орындарындағы "Бос орындар жәрмеңкесіне" қатысады (пандемия кезінде онлайн режимде).Бос орындар ай enbek.kz электрондық еңбек биржасында және Нұр-Сұлтан қаласының Қоғамдық денсаулық сақтау басқармасының сайтында орналастырылады. Медицина кадрларының тапшылығын жою мәселесі тұрақты бақылауда.

Мамандарды бекітуге ықпал ететін басты факторлардың бірі тұрғын үй мәселесі болып табылады, оны шешу үшін әкімдік жұмыс істейтін жастар үшін сатып алу құқығынсыз жалға берілетін тұрғын үй; жергілікті атқарушы органдарда тұрғын үйге мұқтаж ретінде есепте тұрған азаматтар үшін "Шаңырақ" бағдарламаларын іске асыруда.

Сондай-ақ, "Қазақстан тұрғын үй компаниясы" АҚ арқылы сатып алу құқығымен жалға берілетін тұрғын үйді өткізуге құжаттарды қабылдау рәсімі өткізілді.

Қазіргі уақытта Нұр-Сұлтан қаласының Құрылыс басқармасы Алматы, Есіл аудандарында және Ильинка тұрғын алабында медицина қызметкерлеріне арналған үш жатақхана салу бойынша жобаларды іске асыруда.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз