Талдықорғанда 53 жастағы әйелді зорлаған күдікті ұсталды

Жетісу облысы, Талдықорған, зорлық, қонақ үй Сурет: Zakon.kz
Талдықорған қаласындағы қонақ үйлердің бірінде жұмыс істейтін 53 жастағы әйелді қонақ үй тұрғыны зорлап кеткен. Жәбірленуші 28 қазан күні қалалық полицияға шағымданған. Күдікті Алматы қаласында ұсталды, деп хабарлайды Zakon.kz.

Polisia.kz сайтының жазуынша, оқиға орнынан қашып кеткен ер адам 35 жастағы Алакөл ауданының тұрғыны болып шықты.

Полиция қызметкерлері күдіктіні қонақ үйде орнатылған бейнебақылау камералары арқылы анықтады.

Талдықорған қалалық полиция департаментінің мәлімдеуінше, күдікті бұрын ауыр қылмыс жасағаны үшін бірнеше рет қылмыстық жауапкершілікке тартылып, жазасын түзеу мекемелерінде өтеген.

Жедел-іздестіру іс-шаралары барысында Алматы қаласының аумағында жасырынып, іздеуде жүрген ер адамның мекенжайы анықталды. Қазіргі уақытта күдікті Талдықорған қаласына жеткізіліп, қамауға алынды, – делінген ҚР ІІМ баспасөз қызметі таратқан ақпаратта.

Ведомство өкілдері қазір ҚР ҚК-нің 120-бабы (Зорлау) және 121-бабы (Сексуалдық сипаттағы зорлық-зомбылық әрекеттері) бойынша тергеу жүріп жатқанын мәлімдеді.

Тергеу барысында ұсталған күдіктінің басқа қылмыстарға қатысы бар-жоғы тексеріледі.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз