Қызылордалық оқушылар суды үнемдеудің тың әдісін ойлап тапты

Өнертабыс Сурет:
Қызылорда облысында оқушылар егін алқаптарына кететін суды үнемдеудің тың әдістерін ойлап тапты. Оны жүзеге асыру үшін арнайы құрылғы құрастырған, деп хабарлайды Zakon.kz.

Бүгінде егіс алқаптарында жаңбырлатып суару технологиялары пайдаланылады. Бірақ ол адамдардың қатысуымен жүзеге асады.  Ал 10-сыныпта оқитын Сәния мен Жансая жаңбырлатып суару технологиясын толықтай автоматтандыруға болатынын дәлелдеп отыр. Олар бұл ойын шағын макет ретіндегі құрылғыға айналдырып, оны тәжірибеден өткізді. Ал Еңлік пен Назгүл өсімдіктің жағдайы мен егіс басындағы климоттық ахуал туралы ақпаратты арнайы құрылғы арқылы жинақтауға болатынын дәлелдеп отыр, деп хабарлайды "Хабар 24".

Сонымен қатар бұл жобада біз 3 түрлі датчикті, яғни ылғалдылықты анықтайтын, күн сәулесінің түсуін қадағалайтын және ауа температурасын есептейтін датчиктердің бірлесіп жұмыс жасауын ескере отырып, арнайы құрылғы орнатқан болатынбыз. Яғни осы жоба сыртқы факторларды ескере отырып жасайды да, өсімдікке қолайлы жағдай туындаған кезде ғана конвейір іске қосылады. Оқушы Сәния Мұратова

Республикалық байқауда үздіктер қатарынан көрінген бұл жоба арқылы егіс алқаптарына кететін судың көлемін 30 процентке дейін үнемдеуге болады, дейді жас ізденушілер. Олар енді халықаралық байқауларда бақ сынауға ниетті. Дарынды оқушылар агрономның да жұмысын автоматтандыруға болады.

Бұл тек ауылшаруашылығына ғана пайдаланылмайды, біз оған көп датчиктер қосатын болсақ, ол барлық салада да қолдана аламыз. Яғни оны біз саябақтарға апарып, жасыл желектердің өсуін де қадағалай аламыз. Қазақстанда біздікіне ұқсас жоба жоқ, алайда Венгрияда бар. Алайда оның бағасы біздікінен қымбатырақ.Оқушы Еңлік Мұратбек

Құрылғы 1 шақырым радиусқа дейін қоршаған орта туралы мәліметті жинауға қауқарлы. "Бұл ақпаратты арнайы базада жинақтау арқылы, ғаламдық жылыну мәселелерінің алдын алу үшін ғылыми ұсыныстар беру мақсатында да пайдалануға болады", - дейді өнертабыс авторлары. Бұл тақырып олардың жаңа ізденістеріне арқау болмақ.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз