АҚШ Сенатының тізгіні демократтарға бұйырды

Конгресс, сурет - Zakon.kz жаңалық 13.11.2022 14:55

Сурет: freepik

Демократтар Сенаттағы артықшылығын сақтап, аралық сайлауда 50 орынға ие болуы мүмкін. Көптеген америкалық БАҚ осындай болжам жариялап жатыр, деп хабарлайды Zakon.kz.

Сенат құрамын анықтауда Невададағы сайлау шешуші рөл атқарған секілді. Өйткені берілген дауыстың 96% саналған соң демократ Кортес Масто небәрі 0,5% айырмамен Невада штатындағы сайлауда өзінің қарсыласы республикашыл Лаксалтты басып озды ( 48,7%/48,2%). Соңғы нәтиже әлі жарияланған жоқ, бірақ демократтардың бұл жеңісі Сенатта 100-ден кем дегенде 50 орынға ие болатынын байқатады. Республикашыларда - 49 орын, деп хабарлайды EurAsia Daily.

Сонымен қатар, орындарды теңдей бөлді деген кездің өзінде демократтар бәрібір артықшылыққа ие болатыны айтылады, өйткені бұл арада АҚШ вице-президенті, демократ Камала Харристің дауысы шешуші рөл атқарады.

Сенаттағы соңғы бос орынның тағдыры желтоқсанда Джорджиядағы сайлаудың екінші турынан кейін анықталады. Алдында бұл штатта ешбір кандидат қажетті дауысты жинай алмаған. Сондықтан екінші турға жол ашылды.

Оқи отырыңыз