Асқар Забикулиннің өмірін қиған "Қаһарман" тұрғын үй кешеніндегі өрттің себебі анықталды

Асқар Забикулин, сурет - Zakon.kz жаңалық 23.11.2022 18:57

Сурет: ТЖМ баспасөз қызметі

Астананың Төтенше жағдайлар департаменті 16 қарашада "Қаһарман" тұрғын үй кешеніндегі өрттің себебін хабарлады. Сол өрт салдарынан өрт сөндіруші Асқар Забикулин қаза болған еді, деп хабарлайды Zakon.kz.

Өрттің шығуына электр сымдарының оқшаулауының тұтануына әкеп соқтырған ұзартқыш желіде апатты жағдайдың пайда болуы себеп болды, деп хабарлады Астана қаласының Төтенше жағдайлар департаменті.

16 қарашада астаналық "Қаһарман" тұрғын үй кешенінде 11-қабаттағы пәтер өртенді. Үйге жеткен өрт сөндірушілер бес адамды, оның ішінде бір баланы аман алып қалды. Сонымен бірге он адам эвакуацияланды. Оқиғадан кейін екі өрт сөндіруші ауруханаға жеткізілді.

№10 өрт сөндіру бөлімінің командирі Аян Кемпіровтың жалпы жағдайы орташа ауыр деп бағаланды.

Өрт сөндіруші Асқар Забикулин қызметтік міндетін атқару кезінде ауыр жарақат алып, ауруханада қайтыс болды. Дәрігерлер оның өмірі үшін бірнеше күн күресті.

Оқи отырыңыз