Бұл туралы оның ресми өкілі Стефан Дюжаррик мәлімдеді.
Бас хатшы барлық тараптарды тұрақтылықты бұзатын кез-келген әрекеттен аулақ болуға шақырады. БҰҰ Бас хатшысының баспасөз хатшысы Стефан Дюжаррик
Сондай-ақ ол тараптарға БҰҰ арағайындық танытуға дайын екенін айтты.
Қарсыласушы қарулы топтар арасындағы қақтығыстар Триполиде 26 тамызда басталды. Қаланың тұрғын аудандары жаппай атыс-шабысқа ұласты, зардап шеккендердің саны әзірге айтылмайды. "Шекарасыз дәрігерлер" хабарлағандай, қақтығыс аймағында жергілікті тұрғындар мен тағы 8 мыңға жуық босқындар мен мигранттар қалып қойып отыр.
Сонымен қатар, наразылық білдірушілер Ливияның шығысындағы Тобрук өкілдер палатасының ғимаратына шабуыл жасап, өртеп жіберді.
