Sputnik-Қырғызстан басылымының жазуынша, Алмазбек Атамбаев ұлы Қадырбек Атамбаевпен бірге кеткен.
Саясаткер түрмеден шыққан соң шет елге ұшуға мүмкіндік алды.
Бішкектің Первомай аудандық соты бұрынғы президентке емделуге Қырғызстаннан кетуге рұқсат берді. Оған кем дегенде бір операция жасау қажет.
Айта кетейік, Молдовановка ауылындағы колониядан шыққан Атамбаев емделгеннен кейін елге қайтуға ниетті екенін айтқан. Сондай-ақ ол Испанияға сол елдің үкімет басшысының шақыруымен баратынын атап өтті.
