ТАСС ақпарат агенттігінің хабарлауынша, жол апатының мән-жайы мен себебі анықталу үстінде.
Жол апаты орын алғанда АҚШ Президент Джо Байден әйелі Джилл Байденмен бірге Уилмингтон орталығындағы сайлауалды штаб-пәтерінен шығып келе жатқан. Ақ үйдің баспасөз қызметінің мәліметінше, Делавэр штатының нөмірін таққан асфальт түсті жеңіл көлік штабтың кіреберісіне қарама-қарсы көше қиылысын жапқан кортежге келіп соғылған сияқты.
Соққының даусы қатты шыққан, бұл уақытта өз көлігіне жақындаған АҚШ Президенті жан-жағына таңырқап қарап қалған. АҚШ құпия қызметінің агенттері жол-көлік оқиғасын жасаған жүргізушінің көлігін дереу қоршап алып, оған қару кезеген. Ол бірден қолын жоғары көтерді.
