Қытайдың Ганьсу провинциясының Цзишишань округінде магнитудасы 6,2-ге тең жер сілкінісі болды. Жергілікті биліктің хабарлауынша, дүйсенбі күні таңғы төртке қарай аймақтың екі провинциясында шамамен 95 қаза тауып, 200-ге жуық жараланғаны белгілі болды, деп жазды Синьхуа.
Жер сілкінісіне көмек көрсету штабының мәліметінше, жер сілкінісінің ошағы екі провинция шекарасынан небәрі 5 шақырым жерде болған. Қатты жер асты дүмпулері Цинхайдың көптеген ауданынжа сезілген.
Жер сілкінісінің ошағы үш миллионға жуық адам тұратын Ланьчжоу қаласынан (Ганьсу провинциясы) оңтүстік-батысқа қарай 101 шақырым жерде орналасқан.