ABC News ақпаратынша, Гвадалахара Үкіметінің X арнасында таратылған мәлімдемеде белгісіз адам жергілікті базардың жанындағы пикапты ұрлап, жасырынуға тырысып, Гвадалахара шіркеуінің алдындағы алаңға кіргенін хабарлады.
Үкіметтің бас хатшысы Мануэль Ромо жергілікті журналистерге зардап шеккендердің небәрі 14 жаста екенін айтты. Күдікті қамауға алынған.
"Бақытымызға орай, барлығының жағдайы тұрақты және біз олардың отбасыларымен байланыста боламыз", – деді Гвадалахара мэрі Вероника Делгадилло.
Бұған дейін Ла-Манш бұғазын үрмелі қайықпен жүзіп өтпек болған үнділік мигранттың көз жұмғаны хабарланған болатын.