\\Қалмақ Республикасы ТЖМ баспасөз қызметі өзінің Telegram-арнасындағы ақпаратқа сүйенсек, қайғылы оқиға Мәскеу – Тамбов – Волгоград – Астрахань автомобиль жолында болды.
"Volkswagen микроавтобусы мен жүк көлігі соқтығысып, жеті адам қаза тауып, зардап шеккен 11 адамға көмек көрсетілді", – делінген ақпаратта.
Сурет: Telegram/МЧС Республики Калмыкия
Апат орнына Юстин өрт сөндіру-құтқару гарнизонының күштері мен құралдары барған. Алдын ала мәліметтер бойынша, оқиғаға шағын автобус жүргізушісінің қалғып кетуі себеп болған.
Бұған дейін Түркістан облысында оқушылар мінген автобус апатқа ұшырағандығы хабарланған болатын.