Павлодар облысының Жетекші ауылында полицейлер алаяқтар мен олардың жұмыс схемасы туралы айтудың жаңа, креативті әдісін ойлап тапты. Енді мұндай пайдалы ақпарат азық-түлік қаптамасында тұрады. Бұл туралы Pavlodarnews жазды.
Облыстық полиция департаменті бұл бағыттағы жұмыстар басталып та кеткенін айтты. Полицейлер қалалық кәсіпкерлік бөлімімен, Жетекші ауылы әкімшілігімен және жергілікті тауар өндірушілермен келіскен.
Ескертулер пісірілген өнімдер мен жұмыртқа қораптары сияқты маңызды азық-түлік қаптамасында пайда болады.