ҚР Ішкі істер министрлігінің ақпараты бойынша, 2023 жылы газ қозғалтқышы бар автомобильдер саны 582 мың бірлікті құрады немесе 2022 жылмен салыстырғанда 18% - ға өсті.
"Сұйытылған газ бағасының төмен деңгейінің белгіленуіне байланысты еліміздің автокөлік жүргізушілерінің отынның осы түріне ауысуы байқалады, бұл өз кезегінде тұтынудың өсуіне себеп болып отыр. Тұтынуды талдау өңірлер бөлінісінде, әсіресе шекара маңындағы өңірлерде сұйытылған газға сұраныстың артуын көрсетеді. Министрлік бөлетін сұйытылған газ көлемінің бір бөлігі мұнай-химия саласын дамыту үшін мұнай-химия өнімдерін шығаратын өнеркәсіп кәсіпорындарына жібереді", - деп толықтырды Алмасадам Сәтқалиев.
Оның пікірінше, келтірілген фактілерді ескере отырып, сұйытылған газдың сөзсіз тапшылығы байқалады, ол шамамен 20-25% құрайды.
"Елде шикізат ретінде сұйытылған мұнай газын пайдаланатын полипропилен және метил-терт-бутил эфирін өндіретін үш зауыт жұмыс істейді. Инвестициялардың жалпы көлемі 2,7 млрд долларды құрады, 1,7 мың жұмыс орны құрылды. Сондай – ақ, Теңіз кен орнынан шикізат-Бутан жеткізу жоспарланып отырған бутадиен өндіру жөніндегі жобаны іске асыру мәселесі пысықталуда. Жобаның құны 1,4 млрд долларды құрайды, 750 тұрақты жұмыс орны құрылады, сондай – ақ аралас салаларда – 7500-ге дейін жұмыс орны ашылады", - деді Алмасадам Сәтқалиев.
Оның айтуынша, бүгінде алкилат пен полипропилен өндіру бойынша жобалар бар, оларға 300 млн доллар инвестиция салып, 2 мың жұмыс орнын ашу жоспарлануда.
"Мұнай – газ-химия өнеркәсібі жобаларын іске асыруда сұйытылған мұнай газының маңыздылығын ескере отырып, мемлекеттік жоспарлау жүйесінде ТМД-ның мұнай-газ химиясына стратегиялық бағытын бекіту, сондай-ақ сұйытылған мұнай газы негізінде мұнай-газ химиясын дамыту қажеттілігін кең көлемде жариялау жөніндегі іс-қимыл алгоритмін әзірлеу қажет деп санаймыз", - деді Алмасадам Сәтқалиев.
Бұған дейін Қазақстанда газ өндіруді ұлғайту жоспарланып отырғаны белгілі болды.