South China Morning Post газетінің хабарлауынша, далада өткізілген сынақтар барысында жойқын тізбекті химиялық реакция тудыру мүмкін болды.
"Бомбада магний гидриді химиялық қосылысы қолданылады. Екі килограмдық құрылғы сынау кезінде жарылыс болып, температурасы мың градустан асатын отты шар пайда болды", делінген басылымда.
Жоба авторларының айтуынша, кәдімгі жарылғыш заттарды іске қосқанда магний гидриді тез термиялық ыдырауға ұшырап, жанғыш сутегі газын бөледі. Бұл комбинация жарылыстың қарқындылығын дәл табуға мүмкіндік береді, кең аумақта белгіленген нысандарды біркелкі жоюға оңай қол жеткізіледі.
Басылым атап өткендей, Қытайдың Халықтық-азаттық армиясы мұндай қаруды қалай және қандай мақсатқа қолданатыны әлі белгісіз.
Бұған дейін АҚШ COVID-19 вирусының туындауына қатысты есепті жариялады. Ақ үй жариялаған есепке сәйкес, коронавирустың зертханада жасалғаны және Қытайдың Ухань қаласындағы зертханадан сыртқа таралуы мүмкін.