Астана телеарнасы таратқан ақпаратқа сай, Қостанайда өз үйінде қарасора өсірген қала тұрғыны ұсталды.Тінту барысында күдіктіден 55 грамнан асатын есірткі заты тәркіленген.
33 жастағы жігіт бір бөлмені арнайы жабдықтап, жылыжайға айналдырған. Дәл осы жерден өсімдік бұталары табылды.
Полицейлер оның тыйым салынған шөпті не үшін өсіргенін анықтау үстінде. Ал тәркіленген марихуананы күдікті өзі қолданғанын айтып ақталған көрінеді. Ол бұған дейін де есірткі қылмысы үшін жауапқа тартылған.
Жыл басынан бері аймақта есірткіге байланысты 63 факті анықталды. Жалпы салмағы 4 келіден астам есірткі тәркіленген.
