Өзгерісте негізінен халықтың әлеуметтік жағынан осал топтарын тұрғын үймен қамту көзделген.
Енді мұндай адамдардың Тізіміне 1 немесе 2-топтағы мүгедектік белгіленген 18 жасқа толған баласы бар отбасылар кіреді. Ал мұндай отбасы мүгедек балалары бар немесе мүгедек баланы тәрбиелеп отырған отбасы ретінде тіркеледі.
Бұдан бөлек үй мына адамдарға беріледі:
Ұлы Отан соғысының ардагерлері;
жеңілдіктер бойынша Ұлы Отан соғысының ардагерлеріне теңестірілген ардагерлер;
басқа мемлекеттердің аумағындағы ұрыс қимылдарының ардагерлері;
1 және 2-топтағы мүгедектер;
мүгедек балалары бар немесе оларды тәрбиелеп отырған отбасылар;
денсаулық сақтау саласындағы уәкiлеттi орган бекiткен аурулардың тiзбесiне енгiзiлген кейбiр созылмалы аурулардың ауыр түрлерiмен ауыратын адамдар;
жасы бойынша зейнеткерлер;
жетім балалар мен ата-анасының қамқорлығынсыз қалған, кәмелеттік жасқа толғанға дейін ата-анасынан айырылған жиырма тоғыз жасқа дейінгі балалар. Мұндай адамдар әскери қызметке шақырылған кезде жасы міндетті әскери қызмет мерзіміне ұзартылады;
қандастар;
экологиялық зілзалалар, табиғи және техногендік сипаттағы төтенше жағдайлар салдарынан тұрғын үйінен айырылған адамдар;
«Алтын алқа», «Күміс алқа» алқаларымен марапатталған немесе бұрын «Батыр ана» атағын алған көп балалы аналар, сондай-ақ I және II дәрежелі «Ана даңқы» ордендерімен марапатталған көп балалы аналар;
мемлекеттiк немесе қоғамдық мiндеттерiн, әскери қызметiн орындау, ғарыш кеңiстiгiне ұшуды дайындау немесе жүзеге асыру, адам өмiрiн құтқару, құқық тәртiбiн қорғау кезiнде қаза тапқан (қайтыс болған) адамдардың отбасылары;
толық емес отбасы.
Қаулы 2022 жылдың 9 сәуірінен бастап күшіне енеді.
