ОСК мүшесі Анастасия Щегорцова 11 қарашада "Хабар" телеарнасында өтетін теледебатқа қатысушылардың тізімін жариялады.
Дебатқа Қарақат Әбден, Нұрлан Әуесбаев, Жигули Дайрабаев, Мейрам Қажыкен, Ерлан Қошанов (Қасым-Жомарт Тоқаевтың өкілі ретінде – ред.), Салтанат Тұрсынбекова қатысады. Қазақстан Республикасы Орталық сайлау комиссиясының мүшесі Анастасия Щегорцова
Дебат 4 раундтан тұрады. Біріншісі – сайлауалды бағдарламаның тұсаукесері, екіншісі – пікірталас сессиясы, онда қатысушылар қарсыластарына екі сұрақтан қояды, сонымен қатар екі сұраққа жауап береді.
Сұрақты құрастыруға 30 секунд, жауап беруге екі минут уақыт беріледі. Үшінші тур – сайлаушылардың сұрақтары. Әр үміткерге бір сұрақ қойылып, жауап беруге екі минут беріледі. Төртінші тур – сайлаушыларға үндеу жолдау.
